Breaking News
September 1, 2017 - អារម្មណ៍ពិត របស់កូនប្រុសពៅរបស់នាយ ក្រឹម ក្រោយឪពុកចេញពីផ្ទះតាមប្រពន្ធក្មេង!
August 28, 2017 - រក​ឃើញ​ឃាតករ​ហើយ មិនមែន​ចោរប្លន់​ទេ តាម​ពិត​គឺ​…
August 28, 2017 - សាររបស់ ខៀវ សានសាណា ក្រោយបងប្រុសនាង បាញ់សម្លាប់ភរិយា និងសម្លាប់ខ្លួនឯងតាមក្រោយ!
August 27, 2017 - មិនសរសើរមិនបាន!​ ទោះភ្លៀងយ៉ាងណា ក៏ឆន សុវណ្ណរាជ នៅតែបន្តច្រៀងលើឆាកទាំងសើមជោគ!
August 27, 2017 - ប្រហោងពោះអស់! រូបមួយសន្លឹករបស់ Yaya មើលមួយភ្លែត ស្មានតែស្រាត!
August 26, 2017 - សមត្ថកិច្ច​ប្រមូល​ស្ទាវ​សម្ងំ​ឱបរឹត​គ្នា​បាន​ជាង​៤០​នាក់
August 26, 2017 - មកស្គាល់ម្តាយ របស់តារាប្រុសស្រីល្បីៗទាំងនេះ សម្រស់មិនចាញ់កូនៗប៉ុន្មានទេ!
August 25, 2017 - អ្នកគាំទ្រ កំពុងតែភ្ញាក់ផ្អើល ពេលឃើញ គង់ សុជាតិ និងស្វាមី ជិះសុទ្ធឡានទំនើបម្នាក់មួយ!
August 25, 2017 - បើឃុំ ប៉ុណ្ណាដែត ធ្វើម្លឹងៗ អ្នកណា ក៏គិតថាយក់ ថិតរដ្ឋា ជានារីមានសំណាងបំផុតដែរ!
August 25, 2017 - ម៉ៃ សុគន្ធ​ សម្ដែង​ការ​សោកស្ដាយ​ខ្លាំង ដែល​អ្នកសិល្បៈ​បោះឆ្នោត​ឲ្យ ចន ច័ន្ទលក្ខិណា ធ្វើ​ជា​ប្រធាន​ «សមាគម​​សិល្បករខ្មែរ»
បរុសម្នាក់រើសបានលុយ ១០មឺុនដុល្លាក្នុងគ្រោះថ្នាក់ចរាចរណ៍មួយ

បរុសម្នាក់រើសបានលុយ ១០មឺុនដុល្លាក្នុងគ្រោះថ្នាក់ចរាចរណ៍មួយ

រាជធានី​ភ្នំពេញ ៖ បុរស​ម្នាក់​ជិះ​ម៉ូតូ​មក​ពី​បើក​លុយ​នៅ​ធនាគារ​ចំនួន​១០​ម៉ឺន​ដុល្លារ​បាន​ជិះ​ជែង​រថយន្ត​មួយគ្រឿង​ជ្រុល​ទៅ​បុក​រ៉ឺ​ម៉ក​ម៉ូតូ​បណ្តាល​ឲ្យ​បែកក្បាល និង​ជ្រុះ​ថង់​លុយ​នៅ​កណ្តាលផ្លូវ​ត្រូវ​អ្នក​ឈរ​មើល​ហេតុ ការណ៍​រើស​បាន​ហើយ​ទុក​ប្រគល់​ឲ្យ​វិញ ហេតុការណ៍​នេះ​បាន​កើតឡើង​កាលពី​វេលា​ម៉ោង​៨​និង​២០​នាទី​យប់​ថ្ងៃ​ទី​២៧ ខែមេសា ឆ្នាំ​២០១៧ តាម​បណ្តោយ​ផ្លូវ​២៣០ សង្កាត់​បឹង​សាឡា​ង ខណ្ឌទួលគោក ។

តាម​ប្រភព​ព័ត៌មាន​ពី​កន្លែង​កើតហេតុ​បានឱ្យ​ដឹង​ថា មុន​ពេល​កើតហេតុ​គេ​បានឃើញ​បុរស​ម្នាក់​ជិះ​ម៉ូតូ​មួយ​គ្រឿង​ម៉ាក​ហុងដា​ឌ្រី​ម ពណ៌​ខ្មៅ ស៊េរី​ឆ្នាំ​២០០០ ពាក់​ស្លាក​លេខ ថ 9733 ភព​១ បើកបរ​ក្នុង​ទិស​ដៅ​ពី​កើត​ទៅ​លិច ចំណែកឯ​រ៉ឺ​ម៉ក​ម៉ូតូ​បើកបរ​ក្នុង​ទិស​ដៅ​ច្រាសទិស​គ្នា​ពី​លិចទៅ​កើត លុះ​មក​ដល់​ត្រង់​ចំណុច​កើតហេតុ​អ្នក​បើក​ម៉ូតូ​ហុងដា​ឌ្រី​ម​បើកបរ​ទាំង​មាន​ជាតិ​ស្រវឹង ហើយ​ជិះ​លឿន​បាន​ជិះ​ជែង​រថយន្ត​មួយ​គ្រឿង​ដែល​នៅ​ខាង​មុខ ខណៈ​បើក​ជែង​រថយន្ត​មិន​ផុត​ក៏​ជ្រុល​ទៅ​បុក​នឹង​រ៉ឺ​ម៉ក​ម៉ូតូ​ចំហៀង​ខាងឆ្វេង​បណ្ដាល​ឱ្យ​អ្នក​បើក​រ៉ឺ​ម៉ក​ម៉ូតូ​របួស​រយះ​ជើង​ខាងឆ្វេង ចំណែក​អ្នក​បើក​ម៉ូតូ​បង្ក​បាន​ដួល​បោក​ក្បាល​ទៅ​នឹង​ថ្នល់​ប៉ោង​ក្បាល​ខាងក្រោយ​ធ្វើ​ឲ្យ​រវើរវាយ​ជ្រុះ​ថង់​ដាក់​លុយ​ពណ៌​ខ្មៅ​ពីលើ​ម៉ូតូ​ចំនួន​១០​ម៉ឺន​ដុល្លារ​ដោយ​មិនដឹង​ខ្លួន ។

ក្រោយ​ពេល​កើតហេតុ​អ្នក​បើក​ម៉ូតូ​បង្ក​ដែល​រង​របួស​ត្រូវ​បាន​រថយន្ត​សង្គ្រោះ​ដឹក​យក​ទៅ​ព្យាបាល​នៅ​គ្លីនិក​ឯកជន ចំណែក​ថង់​លុយ​ដែល​ជ្រុះ​នោះ​ត្រូវ​បាន​ពីរ​នាក់​ប្តី​ប្រពន្ធ​ដែល​មានផ្ទះ​នៅ​ក្បែរ​កន្លែង​កើតហេតុ​ហើយ​បុរស​ជា​ប្តី​បាន​ស្លៀក​ក្រមា​ចេញ​មក​ឈរ​មើល​ ហេតុការណ៍​ក៏​រើស​បាន​ថង់​ពណ៌​ខ្មៅ​ស្រាយ​ថង់​មើលឃើញ​សុទ្ធតែ​ក្រដាសប្រាក់​១០០​ដុល្លារ​ចង​ចំនួន​១០​ដុំ​ក៏​មិន​បាន​និយាយ​ស្តី​អ្វី​ទាំងអស់​បាន​កាន់​ថង់​លុយ​នោះ​ជាប់​ដោយ​មិន​ព្រម​ប្រគល់​ឲ្យ​សមត្ថកិច្ច​ទេ រង់ចាំ​លោកស្នងការ​រង​ខណ្ឌទួលគោក​មក និង​សាច់ញាតិ​របស់​ជន​រង​គ្រោះ​មក​ធ្វើ​ឯកសារ​ច្បាស់លាស់​ទើប​ប្រគល់​ឲ្យ​ទៅ​ជន​រង​គ្រោះ​វិញ ។

ក្រោយ​ពេល​កើតហេតុ​ស្ត្រី​ជា​ជនជាតិ​ថៃ​ដែល​ជា​ប្រពន្ធ​របស់​ជន​រង​គ្រោះ​បាន​មក​ដល់​កន្លែង​កើតហេតុ​បាន​អះអាង​ប្រាប់​សមត្ថកិច្ច​ថា ប្តី​របស់​គាត់​ទើបតែ​មក​ពី​បើក​លុយ​នៅ​ធនាគារ​យក​ទៅ​បង្វិល​រកស៊ី​ព្រោះ​ពួក​គាត់​ជា​អ្នក​រកស៊ី​លក់​ចាបហួយ និង​លក់​ខោអាវ​បោះ​ដុំ ។

ខណៈ​ដែល​ប្រពន្ធ​មក​ដល់​កន្លែង​កើតហេតុ​ហើយ​អ្នក​ដែល​រើស​បាន​លុយ​មិន​ទាន់​ប្រគល់​ឲ្យ​ភ្លាម​ៗ​ទេ ទាល់តែ​ប្រពន្ធ​បាន​ទៅ​ដឹក​បុរស​ជា​ប្តី​ដែល​រង​របួស​ចេញ​មក​ពី​មន្ទីរពេទ្យ​អះអាង​ថា ជា​ប្រពន្ធ​របស់​គាត់​ពិតប្រាកដ​មែន​ទើប​អ្នក​ដែល​រើស​បាន​លុយ​នោះ​ព្រម​ប្រគល់​ឲ្យ​ទៅ​ស្ត្រី​ជា​ប្រពន្ធ​យក​ទៅ​រក្សា​ទុក ។ ដោយឡែក​ម៉ូតូ​បង្ក និង​រ៉ឺ​ម៉ក​ម៉ូតូ​ត្រូវ​សមត្ថកិច្ច​រា​ចរណ៍​បាន​ចុះ​មក​វាស់វែង​យក​ទៅ​រក្សា​ទុក​នៅ​អធិការដ្ឋាន​ខណ្ឌទួលគោក​រង់ចាំ​ការ​ដោះស្រាយ​នៅ​ពេល​ក្រោយ ៕