Breaking News
September 1, 2017 - អារម្មណ៍ពិត របស់កូនប្រុសពៅរបស់នាយ ក្រឹម ក្រោយឪពុកចេញពីផ្ទះតាមប្រពន្ធក្មេង!
August 28, 2017 - រក​ឃើញ​ឃាតករ​ហើយ មិនមែន​ចោរប្លន់​ទេ តាម​ពិត​គឺ​…
August 28, 2017 - សាររបស់ ខៀវ សានសាណា ក្រោយបងប្រុសនាង បាញ់សម្លាប់ភរិយា និងសម្លាប់ខ្លួនឯងតាមក្រោយ!
August 27, 2017 - មិនសរសើរមិនបាន!​ ទោះភ្លៀងយ៉ាងណា ក៏ឆន សុវណ្ណរាជ នៅតែបន្តច្រៀងលើឆាកទាំងសើមជោគ!
August 27, 2017 - ប្រហោងពោះអស់! រូបមួយសន្លឹករបស់ Yaya មើលមួយភ្លែត ស្មានតែស្រាត!
August 26, 2017 - សមត្ថកិច្ច​ប្រមូល​ស្ទាវ​សម្ងំ​ឱបរឹត​គ្នា​បាន​ជាង​៤០​នាក់
August 26, 2017 - មកស្គាល់ម្តាយ របស់តារាប្រុសស្រីល្បីៗទាំងនេះ សម្រស់មិនចាញ់កូនៗប៉ុន្មានទេ!
August 25, 2017 - អ្នកគាំទ្រ កំពុងតែភ្ញាក់ផ្អើល ពេលឃើញ គង់ សុជាតិ និងស្វាមី ជិះសុទ្ធឡានទំនើបម្នាក់មួយ!
August 25, 2017 - បើឃុំ ប៉ុណ្ណាដែត ធ្វើម្លឹងៗ អ្នកណា ក៏គិតថាយក់ ថិតរដ្ឋា ជានារីមានសំណាងបំផុតដែរ!
August 25, 2017 - ម៉ៃ សុគន្ធ​ សម្ដែង​ការ​សោកស្ដាយ​ខ្លាំង ដែល​អ្នកសិល្បៈ​បោះឆ្នោត​ឲ្យ ចន ច័ន្ទលក្ខិណា ធ្វើ​ជា​ប្រធាន​ «សមាគម​​សិល្បករខ្មែរ»
សាលា​រាជធានី​ភ្នំពេញ បិទ​បញ្ចប់​សំណង​ដល់​អ្នក​ភូមិ​បឹង​កក់​ជា​ស្ថាពរ​ហើយ​ ចាប់​ពី​ពេល​នេះ​ត​ទៅ!

សាលា​រាជធានី​ភ្នំពេញ បិទ​បញ្ចប់​សំណង​ដល់​អ្នក​ភូមិ​បឹង​កក់​ជា​ស្ថាពរ​ហើយ​ ចាប់​ពី​ពេល​នេះ​ត​ទៅ!

សាលា​រាជធានី​ភ្នំពេញ​បាន​បិទ​បញ្ចប់​ការ​ដោះ​ស្រាយ​ទំនាស់​ដី​ធ្លី​នៅ​តំបន់​បឹង​កក់​ជា​សា្ថពរ​ហើយ​ នា​សន្និសីទ​សារព័ត៌មាន​ថ្ងៃ​ព្រហស្បតិ៍​ម្សិល​មិញ។ ជា​បញ្ហា​ជម្លោះ​ដី​ធ្លី ដែល​កើត​មាន​ឡើង​ជិត ១០​ឆ្នាំ​មក​ហើយ។ ជា​លទ្ធផល​មាន​ពលរដ្ឋ​ប្រមាណ ៤​ពាន់​គ្រួសារ​ដែល​រស់​នៅ​ក្នុង​តំបន់​នោះ ព្រម​ទទួល​យក​ការ​ផ្តល់​ជូន​សំណង​ពី​សាលា​រាជធានី​ភ្នំពេញ ខណៈ​មាន​តែ​ពលរដ្ឋ​ ៧​គ្រួសារ​ប៉ុណ្ណោះ​បាន​បដិសេធ។ ​ក៏​ប៉ុន្តែ សាលា​រាជធានី​ភ្នំពេញ​បញ្ជាក់​ថា គ្មាន​ឡើយ​ជំនួប​ពិភាក្សា​ជុំវិញ​បញ្ហា​ដី​ធ្លី​នៅ​តំបន់​បឹងកក់​នេះ​ត​ទៅ​ទៀត។

គ្មាន​ឡើយ​ជំនួប​ពិភាក្សា​ជុំវិញ​បញ្ហា​ដី​ធ្លី​នៅ​តំបន់​បឹង​កក់​នេះ​ត​ទៅ​ទៀត។ នេះ​បើ​តាម លោក ម៉េត មាសភក្តី អ្នក​នាំ​ពាក្យ​សាលា​រាជធានី​ភ្នំពេញ។ លោក​ថា ជា​ការ​ពិត​បញ្ហា​ជម្លោះ​ដី​ធ្លី​នៅ​តំបន់​បឹង​កក់​នេះ បាន​អូស​បន្លាយ​រាប់​ឆ្នាំ​មក​ហើយ, ហើយ​គ្រាន់​តែ​ជំនួប​ពិភាក្សា​នា​ពេល​កន្លង​មក​នោះ គឺ​មិន​តិច​ជាង ២០​ដង​នោះ​ទេ។ ចំពោះ​ពលរដ្ឋ ៧​គ្រួសារ​ដែល​មិន​ទទួល​យក​សំណង​នោះ សាលា​រាជធានី​ក៏​គ្មាន​មធ្យោបាយ​ដែរ។ ប៉ុន្តែ​យ៉ាង​ណា រដ្ឋបាល​រាជធានី​ភ្នំពេញ មាន​ដី​ទុក​បម្រុង​ជូន​គាត់ គ្រប់​គ្នា​ហើយ ហើយ​រង់​ចាំ​ពួក​គាត់​ទៅ​ទទួល​យក​ដី​បម្រុង​ទុក​នោះ គ្រប់​ពេល​ជានិច្ច។

នៅ​ក្នុង​សន្និសីទ​សារព័ត៌មាន​កាល​ពី​ថ្ងៃ​ព្រហស្បតិ៍​ម្សិល​មិញ លោក ឃួង ស្រេង អភិបាលរង​សាលា​រាជធានី​ភ្នំពេញ បាន​លើក​ឡើង​ថា រហូត​មក​ដល់​ពេល​នេះ ទំនាស់​ដី​ធ្លី​ក្នុង​តំបន់​បឹង​កក់ នៅ​សល់​តែ​ប្រជាពលរដ្ឋ​ចំនួន ៧​គ្រួសារ​ប៉ុណ្ណោះ ដែល​នឹង​ត្រូវ​ដោះ​ស្រាយ​បញ្ចប់ ក្នុង​ឆ្នាំ ២០១៧​នេះ ចំណែក ប្រជាពលរដ្ឋ​មួយ​ចំនួន​ទៀត ដែល​តែង​តែ​ដើរ​ស្រែក​ទាមទារ​តាម​ទី​សាធារណៈ​នោះ គឺ​មាន​មួយ​ចំនួន​ធំ​ទទួល បាន​ការ​ដោះ​ស្រាយ ទទួល​បាន​បណ្ណ​កម្មសិទ្ធិ​ដី​ធ្លី និង​ដី​សំណង រួច​រាល់​អស់​ហើយ។ ប៉ុន្តែ​យ៉ាង​ណា​លោក បញ្ជាក់​ថា និង​ចាត់​វិធានការ​តាម​ផ្លូវ​ច្បាប់​ប្រសិន​បើ​ការ​តវ៉ា​ដាក់​ញត្តិ​របស់​ពួក​គាត់​ប៉ះពាល់​ដល់​សណ្តាប់​ធ្នាប់​សាធារណៈ ឬ ប៉ះ​ពាល់​ដល់​សិទ្ធិ​អ្នក​ដទៃ ។

ទន្ទឹម​នឹង​នេះ​ កញ្ញា បូ សោភា តំណាង​អ្នក​ភូមិ​បឹង​កក់​វិញ បាន​លើក​ឡើង​ថា ការ​សម្រេច​ចិត្ត​បិទ​បញ្ចប់​បញ្ហា​ដីធ្លី​នេះ ជា​រឿង​អយុត្តិធម៌​ណាស់ ហើយ​វា​ជា​ការ​បិទ​បញ្ចប់​របស់​សាលា​ក្រុង​តែ​ម្ខាង​ប៉ុណ្ណោះ ។ អ្នក​ទាំង​៧ គ្រួសារ​នឹង​ប្រើ​គ្រប់​មធ្យោបាយ​ដើម្បី​តវ៉ា​ត​ទៅ​ទៀត ពីព្រោះ​ដី​ដែល​សាលា​ក្រុង​ផ្តល់​ឱ្យ​ពួក​គាត់​គឺ​ត្រឹម​តែ​ពាក់​កណ្តាល​នៃ​ដី​របស់​ពួក​គាត់​ដែល​មាន​ស្រាប់​ប៉ុណ្ណោះ។ ដូច្នេះ​ពួក​គាត់​មិន​អាច​ទទួល​យក​បាន​នោះ​ទេ។

យ៉ាង​ណា​ក៏​ដោយ លោក ម៉េត មាសភក្តី​បញ្ជាក់​ថា សាលា​ក្រុង​បាន​បិទ​បញ្ចប់​សំណង​ត្រឹម​តែ​ប៉ុណ្ណេះ​ហើយ។ កិច្ចការ​បន្ទាប់​ទៀត សាលា​ក្រុង​នឹង​ផ្តល់​ជូន​ទៅ​កាន់​ក្រុមហ៊ុន​ឯកជន ដែល​ទទួល​បាន​សិទ្ធ​ក្នុង​ការ​អភិវឌ្ឍន៍ ដើម្បី​ធ្វើ​ការងារ​បន្ត។​

គួរ​ជម្រាប​ថា​រយៈពេល​ជិត​មួយ​ទសវត្សរ៍​មក​ហើយ​ដែល​អ្នក​ភូមិ​បឹង​កក់​តែង​តែ​ធ្វើ​ការ​តវ៉ា​ជុំវិញ បញ្ហា​សំណង​របស់​សាលា​រាជធានី​ភ្នំពេញ ចំពោះ​គម្រោង​អភិវឌ្ឍន៍​តំបន់​បឹង​កក់។ ពោល​គឺ​ក្រោយ​ពេល​ដែល​រាជរដ្ឋា​ភិបាល​កម្ពុជា បាន​ចាប់​ផ្ដើម​អនុវត្ត​នូវ​គម្រោង​អភិវឌ្ឍន៍​តំបន់​បឹង​កក់​មក​ម្លេះ។

Source: https://goo.gl/Z8Qnhd