Breaking News
September 1, 2017 - អារម្មណ៍ពិត របស់កូនប្រុសពៅរបស់នាយ ក្រឹម ក្រោយឪពុកចេញពីផ្ទះតាមប្រពន្ធក្មេង!
August 28, 2017 - រក​ឃើញ​ឃាតករ​ហើយ មិនមែន​ចោរប្លន់​ទេ តាម​ពិត​គឺ​…
August 28, 2017 - សាររបស់ ខៀវ សានសាណា ក្រោយបងប្រុសនាង បាញ់សម្លាប់ភរិយា និងសម្លាប់ខ្លួនឯងតាមក្រោយ!
August 27, 2017 - មិនសរសើរមិនបាន!​ ទោះភ្លៀងយ៉ាងណា ក៏ឆន សុវណ្ណរាជ នៅតែបន្តច្រៀងលើឆាកទាំងសើមជោគ!
August 27, 2017 - ប្រហោងពោះអស់! រូបមួយសន្លឹករបស់ Yaya មើលមួយភ្លែត ស្មានតែស្រាត!
August 26, 2017 - សមត្ថកិច្ច​ប្រមូល​ស្ទាវ​សម្ងំ​ឱបរឹត​គ្នា​បាន​ជាង​៤០​នាក់
August 26, 2017 - មកស្គាល់ម្តាយ របស់តារាប្រុសស្រីល្បីៗទាំងនេះ សម្រស់មិនចាញ់កូនៗប៉ុន្មានទេ!
August 25, 2017 - អ្នកគាំទ្រ កំពុងតែភ្ញាក់ផ្អើល ពេលឃើញ គង់ សុជាតិ និងស្វាមី ជិះសុទ្ធឡានទំនើបម្នាក់មួយ!
August 25, 2017 - បើឃុំ ប៉ុណ្ណាដែត ធ្វើម្លឹងៗ អ្នកណា ក៏គិតថាយក់ ថិតរដ្ឋា ជានារីមានសំណាងបំផុតដែរ!
August 25, 2017 - ម៉ៃ សុគន្ធ​ សម្ដែង​ការ​សោកស្ដាយ​ខ្លាំង ដែល​អ្នកសិល្បៈ​បោះឆ្នោត​ឲ្យ ចន ច័ន្ទលក្ខិណា ធ្វើ​ជា​ប្រធាន​ «សមាគម​​សិល្បករខ្មែរ»
ថៃសរសេរ​សំបុត្រ​សុំលោក​Zuckerberg ​ជួយ​បិទ​ខ្ទប់ទំព័រហ្វេសប៊ុក​៦០០

ថៃសរសេរ​សំបុត្រ​សុំលោក​Zuckerberg ​ជួយ​បិទ​ខ្ទប់ទំព័រហ្វេសប៊ុក​៦០០

នៅ​ប្រទេស​ថៃ ដោយ​មាន​ការ​ជំរុញ​ពី​រដ្ឋាភិបាល​សឹក ម្ចាស់​គ្រប់គ្រង​ក្រុមហ៊ុន​អ៊ីនធ័រនែត បាន​សរសេរ​សំបុត្រ​ជា​លក្ខណៈឯកជន​​ផ្ញើផ្ទាល់​ទៅ​លោក Mark Zuckerberg ម្ចាស់​ស្ថាបនិក​និង​អគ្គនាយក​ហ្វេសប៊ុក ដើម្បី​ពឹង​​សុំដោយ​ចំៗ ឱ្យ​ហ្វេសប៊ុក​ជួយបិទ​ខ្ទប់​ទំព័រ​ប្រព័ន្ធ​សង្គម​ចំនួន​៦០០​។ សម្រាប់​​រដ្ឋាភិបាល​ថៃ ទំព័រ​ជាប់​ពាក់ព័ន្ធ​ដ៏​ចម្រូង​ចម្រាស​នោះបាន​ល្មើស​ប្រមាថ​របប​រាជានិយម និង​ប្រមាថ​ព្រះ​មហាក្សត្រ​ថៃ​ថ្មី ព្រះ​អង្គ​ម្ចាស់ មហា វិជ្ជរ៉ាឡុងកន។

រដ្ឋាភិបាលសឹក​ថៃ ចាត់​ទុក​ទំព័រ​សង្គម​ប្រមាណ​៦០០​នោះថា​បាន​ផ្តល់​រូបភាព​អវិជ្ជមាន​ដល់​ស្តេច​ថ្មី តាម​រយៈ​ការបង្ហោះ​ ជា​ឧទាហរណ៍​ រូបភាព​វីដេអូ​​​របស់​ព្រះ​មហាក្សត្រ​ថ្មី​ នៅ​ក្នុង​ប្រទេស​អាល្លឺម៉ង់។ តើ​​ជា​រូបភាព​អ្វី​ពិត​ប្រាកដទៅ ? គ្មានអ្វី​លម្អិត​ទេ​ ប៉ុន្តែ​​គ្រប់គ្រាន់​សម្រាប់​ចាប់​ទោស​ពីបទ​ប្រមាថ​ព្រះ​ចេស្តា​ព្រះ​មហាក្សត្រ​បាន​ហើយ​នៅ​ថៃ ហើយ​ទោស​នេះ​អាច​នឹង​ម្ចាស់​ឱ្យ​ជាប់​ពន្ធនាគារ​ពី​បី​ទៅ​១៥​ឆ្នាំ។

តាំង​ពី​ឡើង​កាន់​អំណាច​នៅ​ឆ្នាំ​២០១៤​មក រដ្ឋាភិបាល​សឹក​ថៃ បាន​បិទ​ខ្ទប់​វិបសៃត៍​អ៊ីនធ័រនែត អស់​ប្រមាណ​៧ពាន់​ហើយ​ ក្នុង​បទ​ប្រមាថ​ព្រះ​មហាក្សត្រ​នេះ​ ប៉ុន្តែ​​រដ្ឋាភិបាល​មិន​អាច​ធ្វើ​អ្វី​ស្រេច​ចិត្ត​នឹង​បាន​ចំពោះ​វិបសៃត៍​ណា​ដែល​មាន​មូលដ្ឋាន​នៅ​ក្រៅ​ប្រទេស​ថៃ ដូច​យ៉ាង​ករណី​ប្រព័ន្ធ​សង្គម​ហ្វេសប៊ុក។

អាជ្ញាធរ​ថៃ​អាច​បិទ​ខ្ទប់​ប្រព័ន្ធ​ហ្វេសប៊ុក​​ទាំង​មូល​តែ​ម្តងបាន​ ប៉ុន្តែ​មិន​អាច​ជ្រើសរើស​បិទ​ខ្ទប់​ទំព័រ​ណា​មួយ​​ស្រេច​នឹង​ចិត្ត​បាន​ឡើយ។ ហើយ​គេ​ដឹង​យ៉ាង​ច្បាស់​ណាស់ មតិ​សាធារណៈ​នឹង​បង្ហោះ​ប្រតិកម្មភ្លាម នៅ​ពេលណា​​​​ប្រព័ន្ធ​សង្គម​នេះបើក​វិញ។ ដូច្នេះ​ដំណោះស្រាយ​មាន​តែ​មួយ​គឺ​សរសេរ​សំបុត្រ​ទៅ​សុំ​លោក​ Mark Zuckerberg ដោយ​ផ្ទាល់​តែ​ម្តង។​

ហ្វេសប៊ុក​មិន​ផ្តល់​ចម្លើយ​អ្វី​ភ្លាម​ទេ ហើយ​ក៏មិន​បិទ​ខ្ទប់​ទំព័រ​ទាំង​៦០០​ដែល​ពាក់ព័ន្ធ​នោះ​ដែរ។ ប៉ុន្តែ​ប្រព័ន្ធ​សង្គមមួយ​​នេះ បាន​​ផ្ញើ​សារ​មួយ​ទៅ​កាន់​ប្រវត្តិ​វិទូ​ថៃ និរទេស​ខ្លួន​នៅ​ក្រុង​ប៉ារីស លោក ស៊ុមស័ក ចែមតែរ៉ាសាគុល Somsak Jeamteerasakul។ ជា​សារ​ផ្តល់​ព័ត៌មាន​ថា តុលាការ​ថៃ​ចាត់​ទុក​ជា​ទោស​ប្រមាថ​ព្រះ​មហាក្សត្រ​វីដេអូ​ដែល​គេ​បង្ហោះ​លើ​ទំព័រ​ហ្វេសប៊ុក។ វីដេអូ​នោះ ត្រូវ​បាន​ហ្វេសប៊ុក​បិទ​ខ្ទប់​ហើយ​។

ប្រវត្តិវិទូ ស៊ុមស័ក ចែមតែរ៉ាសាគុល និង​ទំព័រ​ហ្វេសប៊ុក​របស់​គាត់ ជា​កម្មវត្ថុ​បង្ក្រាប​ដ៏​ចំបង​​របស់​របប​សឹក។ ​ថៃ បាន​ហាមឃាត់​មិន​ឱ្យ​ពលរដ្ឋ​​​​ទាក់ទង​នឹង​លោក សុមស័ក តាម​អ៊ីនធ័រនែតទេ។ ​សូម្បី​តែ​តាមមើល​​ទំព័រ​ហ្វេសប៊ុករបស់​គាត់ និងបញ្ញាវន្ត​ផ្សេង​ទៅ​រស់​នៅ​ជប៉ុន ព្រមទាំងអ្នក​​កាសែត​អង់គ្លេស Andrew MarcGregor Marshall ក៏​មិន​បានដែរ។

បម្រាម​គឺ​ជា​បម្រាម ! នៅសប្តាហ៍​មុន​ ជនជាតិ​ថៃ​បីនាក់​ត្រូវ​ចាប់​ខ្លួន​ បន្ទាប់​ពី​បាន​ធ្វើ​អត្ថាធិប្បាយ​លើ​ទំព័រ​ហ្វេសប៊ុក​របស់​លោក ស៊ុមស័ក។ ជន​ទាំង​បី​នោះ​ត្រូវ​បាន​អាជ្ញាធរ​ចាប់​យក​ទៅ​ឃុំឃាំង​ក្នុងកន្លែង​សម្ងាត់​​មួយ ក្នុង​ជំរំ​យោធា ហើយ​ទំនង​ជា​អាច​ទទួល​ទោសយ៉ាង​ធ្ងន់​ក្នុង​ពន្ធនាគារ​ផង៕

Source: https://goo.gl/R0aSAv